عجيب العنوان ... مو ؟ ، بس اللي أعجب منه الوهقه اللي أنا فيها !! ، يا ربي من وانا عمري ياهل أكتب خواطر ونثر ، بس لمل فكرت أكتب بوست على النت ... تربطت أصابعي ؟؟ ... يمكن إحساسي لأن في ناس راح تقرأ البوست .. ويمكن تعلق أو تاخذ موقف منه ... أو يمكن بعد تقيمه ... أو يطيح بجبدي ؟؟؟
أو يمكن شعور الخوف داخل الانسان من كل تجربة جديدة ... ما يدري وين راح توصله ... أو شنهي نهايتها ؟!!
ولا يكون شي متعلق بالشخصية ... انطوائية أو خجولة ... و انا ما أدري !!!!
والله إحترت ... عالعموم أنا باكتب ... أوعدكم إني باكتب ... بس قبل كا أبدى ...
Plzzz !! أطلب من كل بلوجر طلب بسيط ... يوصفلي شعوره قبل أول بوست
Thnx Any way ... Wish me Luck :-)
9 comments:
يا هلا ويا مرحبا باختي مديحه
حياج الله بينا
انا يارتج استكانه
ابد خطوتين تلقيني يمج
:)))
بديت اكتب تقريبا قبل ثلاث سنوات وشي
بالبدايه..احترت شنو اكتب
مع اني كنت دايما بحياتي بيدي ورقتي وقلمي واكتب كل شي يطري في بالي
مرة عشان افضفض لروحي
ومرة عشان ارتب افكاري
ومع هذا بالبلوق احترت
!!
قررت انه يكون بلوقي مساحتي الشخصيه والخاصه،بدل لا اكتب بذاك الدفتر الصغير واخشه تحت مخدتي،اكتب بهالبلوق الكبير كل شي يطري في بالي واحسه
انصح روحي
وازفها
وارتب افكارها
جدام نفسي وجدامهم
:)
كتبي بعقويتج
ولا تفكرين انه الجميع بيرضا عنج
اهم شي انتي تكونين راضيه عن نفسج
وحياااج الله نورتي المكان
شعوري قبل أول بوست كان .. مجرّد اني بحط بوست يديد لنفسي وبعدها ابدء اتعرف على البلوقريه بعدها تبدي التعليقات .. بس كشعور .. مادري كان شي عادي يعني وما في أي مشكله
انتي حطي بوست يديد وخل نقرا بعض من رؤوس أقلامج : )
ولا تحاتين البلوقريه ماراح يقصرون بالتعليقات الحلوه ^_^
انتي بس دشي على البلوقرات وشاركيهم الردود ومالج شغل : )
ناطرين يديدج ^^
حياج الله بعالم البلوق الممتلئ بعجائب الدنيا والحياة الي نعيشها والارتباك لازم ماتحسين فيه لانج تكتبين شي بخاطرج عشان ترضين نفسج مو ترضين الناس ودامج راضيه فالناس كيفهم لان كل انسان له راي الي يمدحج والي يذمج والي يعجب باسلوبج والي ما يعجبه بس بالاخير انتي مرتاحه لانج تكتبين الي بخاطرج وهذا الي لازم يصير بس المهم لا اطولين علينا نبي بوستات ..
بالتوفيق
بالتوفيق ان شاء الله :)
بالنسبة لسؤالج ، أول مرة كان دافعي الفضول والتعرف على هالعالم ، ولما كتبت أول موضوع قبل سنتين كنت أتخيل أني بالفضاء وقاعد أصارخ وكنت أظن ان محد كان موجود ويسمعني :)
لكن كنت أعتقد أيضا أن لكل شيء مدى ونهاية لابد يصل له وعرفت أن حتى صراخي في هالفضاء لابد من أن في يوم من الأيام سيصل إلى أذن شخص ما ، واليوم أظن أن كلماتي وصلت عند الكثيرين .
اتمنى لج مرة أخرى التوفيق ، والاستمرار مهم ولا تلتفتين للملل ولا للإحباط فقط استمري ومن سار على الدرب وصل .
حياج الله مديحة اخت بينا يديدة
وصديقة ان شاءالله
:))))
نصيييييييييحة
كوني انتي ، لا تجاملين ولا تكتبين عشان ترضين احد
هذا بلوغج ومساحة البوح الخاصة فيج
انا مثلج كنت... انربط
لسان كيبوردي اول مرة ييت اكتب
هههههههه
بس بعدين عاااادي جدا صارت المسالة
، خليناانعرف انتي منو
شنو احاسيسج وشنهي افكارج
كتبي اللي تحسينه وبس
راح انتظر بوست الياي
بفارغ الصبر
حياج الله وبداية موفقة ان شاءالله
estekana
وايد كلامج مشجع ... وقفتني - مساحتي الشخصية - وبأحاول أركز عليها
thnx
u_sf
thnx ... so Sweet of u :-)
بس رؤوس أ قلامي ما تخلص !!
شاسوي .. وايد داخلي كلام و مشاعر وأحاسيس ...
عبدالله الظفــيري
أكتب اللي بخاطري ... ممممممم !!
هذا أحلى شي في الموضوع ...
thnx
al_tariq2009
Thnx :-)
I won't Screem Alone any More After Now :-)
vancouver
Thnx
معاج حق ... تكلم حتى أعرفك :ـ) ، تشجيعج محفز
السلام عليكم.
دايما الواحد يكون ضايع ومتوهق أول مرة. بس ترا راح تتعودين على الوضع وترتاحين نفسيا مع الكتابة.
السالفة شوي تختلف في البلوق لأنج لازم تراعين شعور بعذ الناس. وأنصح إنج ما تعطين معلوماتج الشخصية. سئلي مجرب... آنا رحت فيها!
الصراحه راحه مثل مايقولون
عن نفسي بديت باول بوست كتبته تعريفي
من انا ومن اكون بهذا العصر والزمان يمكن نبذه تعريفيه موجزه عني اكتفيت فيها
وبعدين بلشت اكتب كل اللى يجول بخاطرى وباعماقي
يمكن لقيت المدونه وسيله لابوح عن كل مايجول بداخلي
بالعكس ليش الخوف من مشاركة الغير المفروض انج تكتبين علشان تشوفين ناس ينتقدونج نقد بناء ويعلمونج علشان ماتكررين الاخطاء مره ثانيه
وبس احنا ناطرينج
مرحبا
أول شي أنا أعتقد إنج اذا بتفكرين بالناس اللى تقرا ماراح تقدرين تكتبين شي
ثانيا
راح تحسين إنج مقيدة أكثر أذا استمريتي بالكتابة وشفتي التعليقات المختلفة
لكن اذا تركتي حق نفسج حرية كاملة بختيار الموضوع وما حطيتي عليها اي قيود بتحسين انج مرتاحة وبتنطلقين بالكتابة
أنا أول بوست كتبته كنت احس بحرية كبييييييرة وكنت جداً مستمتع
لكن الحين بعد سنه من الكتابة بالمدونه
أحس اني جدا مقيد
:)
أتمنالج كل التوفيق
Post a Comment